काठमाडौँ । हरितालिका तीजका अवसरमा पशुपतिनाथ मन्दिरमा बिहानैदेखि भक्तजनको घुइँचो लागेको छ।
भक्तजनलाई सहज रूपमा दर्शन गराउन बिहान ३:१५ बजेदेखि चारवटै ढोका खोलिएको छ। बिहान ७ बजेसम्म ९ हजारभन्दा बढीले दर्शन गरिसकेको र करिब ३ हजार दर्शनार्थी लाइनमा रहेको प्रहरीले जनाएको छ।
सुरक्षा व्यवस्थापनका लागि १,२५० प्रहरी परिचालन गरिनुका साथै सिसिटिभी, ड्रोन र सादा पोसाकका प्रहरीमार्फत निरन्तर निगरानी भइरहेको छ।
प्रकाशित: सोमबार, भाद्र २९, २०८३
