काठमाडौँ । नेपाली कांग्रेसको १५औँ महाधिवेशनअन्तर्गत वडा तहदेखि केन्द्रीय तहसम्मका अधिवेशनको संशोधित मिति तय भएको छ। कांग्रेस निर्वाचन समितिका संयोजक प्रेमबहादुर खड्काका अनुसार वडा अधिवेशन असोज ३ र ४ गते हुनेछ।
रसुवाको भोटेकोशीमा आएको बाढीका कारण यसअघि भदौ २४ गतेदेखि तय गरिएको वडा अधिवेशनको मिति पछि सारिएको हो। देशभरका ६ हजार ७४३ वडामा हुने अधिवेशनबाट क्षेत्रीय प्रतिनिधि चयन गरिनेछ।
असोज ७ गते स्थानीय तहको अधिवेशन र असोज १० गते प्रदेशसभा तथा प्रतिनिधिसभा क्षेत्रीय अधिवेशन गर्ने कार्यतालिका छ। कांग्रेसको केन्द्रीय महाधिवेशन भने असोज १६ देखि १९ गतेसम्म काठमाडौंमा आयोजना हुनेछ।
प्रकाशित: मंगलबार, भाद्र २३, २०८३
सम्बन्धित खवर
