काठमाडौँ । हाल देशभर मनसुनी वायुको प्रभाव रहेको छ। मौसम पूर्वानुमान महाशाखाका अनुसार मनसुनको न्यून चापीय रेखा सरदर स्थान आसपास रहेको छ।
देशभर सामान्यतया बदली रही बागमती, गण्डकी, लुम्बिनी र कर्णालीका केही स्थानमा हल्कादेखि मध्यम वर्षा भइरहेको छ। आज दिउँसो हिमाली तथा पहाडी भूभागका केही स्थानमा चट्याङसहित मध्यम वर्षा हुने सम्भावना छ।
कोशी, बागमती, गण्डकी र लुम्बिनीका पहाडी भूभागका एक–दुई स्थानमा भारी वर्षाको सम्भावना रहेको छ। मधेस तथा कोशीका तराई क्षेत्रमा हावाहुरीको समेत सम्भावना छ। राति पनि विभिन्न प्रदेशमा वर्षा र चट्याङको सम्भावना रहेको महाशाखाले जनाएको छ।
प्रकाशित: मंगलबार, भाद्र ०९, २०८३
