काठमाडौं । वैदेशिक रोजगारीमा जाने नेपालीको संख्या साउनमा ७० हजार नाघेको छ। वैदेशिक रोजगार विभागका अनुसार नयाँ तथा पुनः श्रम स्वीकृति लिनेको संख्या जोड्दा एक महिनामा ७० हजार ४४१ जनाले वैदेशिक रोजगारीका लागि अनुमति लिएका छन्।
विभागको विवरणअनुसार श्रम स्वीकृति लिनेमा ६० हजार ४७२ पुरुष र ९ हजार ९६९ महिला छन्। कुल स्वीकृतिमध्ये ४२ हजार ६९३ जनाले नयाँ श्रम स्वीकृति लिएका छन् भने २७ हजार ७४८ जनाले पुनः श्रम स्वीकृति लिएका छन्।
वैदेशिक रोजगारीका लागि श्रम स्वीकृति लिनेको ठूलो हिस्सा म्यानपावर कम्पनीमार्फत गएको देखिएको छ। साउनमा म्यानपावरमार्फत २९ हजार ४४७ जनाले श्रम स्वीकृति लिएका छन्। व्यक्तिगत प्रक्रियाबाट १२ हजार ४४२ जनाले अनुमति लिएका छन् भने सरकार(सरकारबीचको समझदारीअन्तर्गतको ‘जीटुजी’ माध्यमबाट ७१२ जनाले श्रम स्वीकृति लिएका छन्।
वैदेशिक रोजगारीका लागि श्रम स्वीकृति लिनेको संख्या अघिल्लो महिनाको तुलनामा समेत केही बढेको छ। गत असारमा ६९ हजार ३६२ जनाले श्रम स्वीकृति लिएका थिए।
गन्तव्य मुलुकका आधारमा साउनमा संयुक्त अरब इमिरेट्स ९युएई० पहिलो रोजाइमा परेको छ। विभागका अनुसार युएईका लागि १८ हजार ७८४ जनाले श्रम स्वीकृति लिएका छन्। त्यसपछि मलेसियाका लागि १२ हजार ४९८, कतारका लागि १० हजार ३६० र साउदी अरबका लागि ८ हजार ६१३ जनाले श्रम स्वीकृति लिएका छन्।
विभागको तथ्यांकले पछिल्लो समय नेपाली श्रम शक्ति वैदेशिक रोजगारीमा जाने क्रम निरन्तर रहेको देखाउँछ। आर्थिक वर्ष २०८२र८३ मा मात्रै ७ लाख ९२ हजार १८७ जना श्रम स्वीकृति लिएर वैदेशिक रोजगारीमा गएको विभागको तथ्यांक छ।
प्रकाशित: मंगलबार, भाद्र ०२, २०८३
