काठमाडौँ । निर्वाचन आयोगले निर्वाचन आचारसंहिता उल्लङ्घन गरेको आरोपमा थप नौ जनासँग स्पष्टीकरण सोधेको छ।
शनिबारसम्म २१ जनासँग स्पष्टीकरण माग गरिएकोमा आइतबार र सोमबार गरी थप नौ जनासँग जवाफ माग गरिएको हो।
आयोगका सहायक प्रवक्ता कुलबहादुर जिसीका अनुसार बाजुरामा राष्ट्रिय स्वतन्त्र पार्टी (रास्वपा) का उम्मेदवार हेमराज थापाले बाग्मती प्रदेशका मुख्यमन्त्री इन्द्रबहादुर बानियाँलाई लक्षित गरी अपमानजनक तथा धम्कीपूर्ण भाषा प्रयोग गरेको उजुरी परेपछि स्पष्टीकरण सोधिएको हो। थापालाई निर्वाचन आचारसंहिता, २०८२ बमोजिम तीन दिनभित्र जवाफ दिन निर्देशन दिइएको छ।
यसैगरी झापा निर्वाचन क्षेत्र नम्बर–५ का उम्मेदवार बालेन्द्र शाहसँग सादा पोसाकका प्रहरी प्रयोग गरी प्रचार गरेको विषयमा दोस्रोपटक स्पष्टीकरण सोधिएको आयोगले जनाएको छ।
प्रकाशित: सोमबार, माघ १९, २०८२
सम्बन्धित खवर
