काठमाडौँ । काठमाडौँ महानगरपालिकाका मेयर बालेन शाहले जेनजी आन्दोलनबारे जाँचबुझ आयोगलाई लिखित जवाफ पठाएका छन्।
गत भदौ २३ र २४ गतेको जेनजी आन्दोलनबारे बुझ्नका लागि आयोगले मेयर शाहलाई लिखित पत्र पठाएको थियो। आयोगका प्रवक्ता विज्ञानराज शर्माका अनुसार, मेयर शाहले उक्त पत्रको जवाफ पठाएका हुन् र जवाफ आयोगमा प्राप्त भएको जानकारी दिएका छन्।
आयोगले बयान संकलन गरेपछि अब प्रतिवेदन लेख्ने प्रक्रिया अघि बढाएको छ। यसअघि आयोगले गृहमन्त्री रमेश लेखकको लिखित वक्तव्य र बयान पनि लिएको थियो। साथै, आयोगले जेनजी आन्दोलनसँग सम्बन्धित विवरण र अन्य तथ्यांकहरू पनि संकलन गरेको थियो।
प्रकाशित: मंगलबार, पौष २२, २०८२
सम्बन्धित खवर
