काठमाडौँ । निर्वाचन आयोगले प्रतिनिधिसभा सदस्य निर्वाचनका लागि राजनीतिक दलहरूलाई समानुपातिक उम्मेदवारको बन्दसूची निर्वाचन अधिकृतको कार्यालयमा पेश गर्न आग्रह गरेको छ।
आयोगले आज जारी गरेको प्रेस विज्ञप्तिमा भनिएको छ कि यसका लागि विधि, प्रक्रिया र आवश्यक प्रमाण कागजात पूरा गरी उम्मेदवार बन्दसूची यही पुष १३ र १४ गते अपरान्ह ४ बजेसम्म पेश गर्नुपर्नेछ।
निर्वाचन आयोगका सहसचिव तथा प्रवक्ता नारायणप्रसाद भट्टराईका अनुसार, उम्मेदवारको बन्दसूची पेश गरेपछि वा पेश गर्नुअघि राजनीतिक दलहरूले सर्वसाधारणमा पनि सार्वजनिक गर्न सक्नेछन्।
विज्ञप्तिमा भनिएको छ कि समानुपातिक निर्वाचनमा भाग लिन इच्छुक दलहरूले प्रतिनिधि सभा सदस्य निर्वाचन ऐन, २०७४, नियमावली, २०७४, र प्रतिनिधि सभा समानुपातिक निर्वाचन निर्देशिका, २०८२ मा तोकिएको विधि, प्रक्रिया र प्रमाण कागजात पूरा गरी मात्र उम्मेदवार सूची तयार गरी तोकिएको समयमा पेश गर्नुपर्नेछ।
प्रकाशित: शनिबार, पौष १२, २०८२
सम्बन्धित खवर
