काठमाडौँ । राष्ट्रपति रामचन्द्र पौडेलले आगामी प्रतिनिधि सभा सदस्य निर्वाचनलाई मुलुकका विद्यमान समस्याहरूको समाधानको उच्चतम विधि भएको बताएका छन्।
आज टुँडिखेलमा काठमाडौँ महानगरपालिकाको महानगर दिवसको अवसरमा आयोजित समारोहलाई सम्बोधन गर्दै उनले भने, “जनताको अभिमत लिने प्रक्रिया लोकतन्त्रको सर्वोच्च विधि हो, र यसले मुलुकका समस्याहरूलाई समाधान गर्न मद्दत पुर्याउनेछ। आगामी २१ फागुनमा हुने प्रतिनिधि सभा सदस्यको निर्वाचनले युवा पुस्ताको चाहनालाई मूर्तरूप दिने अवसर दिन्छ।”
उनीहरूले सामाजिक न्याय र सुशासनका माध्यमबाट समृद्ध नेपाल निर्माणको अभियानमा सबैलाई सहभागी हुन आह्वान गरे।
राष्ट्रपतिको भनाइमा, “हामीले इतिहासबाट शिक्षा र अनुभव लिई वर्तमानका चुनौतीहरूलाई सम्बोधन गर्दै भावी सन्ततिलाई समृद्ध नेपाल सुम्पने जिम्मेवारी निभाउनुपर्नेछ। यसका लागि नवीन सोच, दृढ अठोट र उच्च चरित्रको नेतृत्व आवश्यक छ।”
प्रकाशित: सोमबार, मंसिर २९, २०८२
सम्बन्धित खवर
