काठमाडौँ ।फाफ डु प्लेसी र साम हिजलेटको आक्रमक अर्धशतकको मद्दतले विराटनगर किंग्सले सिद्धार्थ बैँक नेपाल प्रिमियर लिग (NPL) मा सुदूरपश्चिम रोएल्सलाई ६ विकेटले पराजित गर्दै ६ खेलको अपराजित यात्रामा ब्रेक लगाएको छ। सुदूरपश्चिमले दिएको १४८ रनको लक्ष्य विराटनगरले ११.५ ओभरमा ४ विकेट गुमाएर पूरा गर्यो।
यो जितसँगै विराटनगरले ७ खेलमा ५ जित र १० अंकका साथ अंकतालिकामा दोस्रो स्थानमा स्थान बनाएको छ। अब, विराटनगरले सुदूरपश्चिमसँग पहिलो क्वालिफायर खेल्ने पक्का भएको छ। काठमान्डुसँग समान १० अंक भएको भए तापनि विराटनगरले नेटरनरेटमा काठमान्डुलाई पछि पार्दै लिगको दोस्रो स्थानमा उक्लेको हो।
सुदूरपश्चिमले पहिलो खेलमा स्कट कुगेलेइन र क्रिस लिनजस्ता प्रमुख खेलाडीलाई आराम दिएको थियो। टस हारेर पहिले ब्याटिङ गरेको सुदूरपश्चिमले २० ओभरमा १४७ रन बनाएको थियो।
विराटनगरले उक्त लक्ष्य १३.५ ओभरमा २ विकेट गुमाएर पूरा गर्दै काठमान्डुलाई पछि पार्दै दोस्रो स्थानमा चढेको हो।
फाफ डु प्लेसी र साम हिजलेटले आक्रमक ब्याटिङ गरेर विराटनगरलाई बलियो सुरुवात दिलाए। पावरप्लेमा उनले अहिलेसम्मकै कीर्तिमानी ८७ रनको साझेदारी गरे। डु प्लेसीले १९ बलमा अर्धशतक पुरा गरे र एनपीएलमा संयुक्त दोस्रो छिटो अर्धशतक बनाउने कीर्तिमान बनाएका छन्। उनले २० बलमा ५ चौका र ४ छक्का प्रहार गरे। अर्धशतक बनाएका डु प्लेसी अर्को बलमा आउट भए।
हिजलेटले पनि २७ बलमा ३ चौका र ४ छक्का प्रहार गर्दै ५१ रन बनाए। उनले अर्धशतक बनाउँदै आउट भए।
वानडाउनमा ब्याटिङ गरेका मार्टिन गप्टिलले ९ बलमा २२ रन जोडे, जसमा ३ छक्का समावेश थिए। प्रतिश जिसीले ३ बलमा २ छक्का मद्दतले १३ रन बनाए।
सुदूरपश्चिमका लागि अविनाश बोहराले २ विकेट र हर्मित सिंहले १ विकेट लिए।
सुदूरपश्चिमका लागि आरिफ शेखले ३२ बलमा ४५ रन बनाए, जसमा १ चौका र ३ छक्का समावेश थिए। इशान पाण्डेले ३५ बलमा २ चौका र २ छक्का मद्दतमा ३८ रन जोडे। यी दुईबीच ७२ रनको साझेदारी भयो। ओपनर जोश ब्राउनले २५ बलमा २४ रन र कप्तान दीपेन्द्र सिंह ऐरीले ११ बलमा २ छक्का प्रहार गर्दै १९ रन बनाए। विनोद भण्डारीले १३ बलमा १५ रन जोडे।
विराटनगरका कप्तान सन्दीप लामिछानेले ४ ओभरमा २० रन खर्चेर ३ विकेट लिए। प्रतिश जिसीले अन्तिम ओभरमा ४ रन खर्चेर २ विकेट लिए भने बसिर अहमदले १ विकेट लिए।
प्रकाशित: शनिबार, मंसिर २०, २०८२
सम्बन्धित खवर
