काठमाडौँ । दोस्रो संस्करणको नेपाल प्रिमियर लिग (एनपीएल) अन्तर्गत विराटनगर किंग्स र चितवन राइनोज बुधबार भिड्नेछन्। यो खेल त्रिवि क्रिकेट मैदान, कीर्तिपुरमा दिउँसो ४ बजे सुरु हुनेछ। विराटनगर किंग्स सन्दीप लामिछानेको कप्तानीमा खेल्दैछ भने चितवन राइनोजका कप्तान कुशल मल्ल छन्। विराटनगरले तीन खेल खेलिसकेको छ र ६ अंक जोडिसकेको छ भने चितवनले दुई खेल खेलेर २ अंक मात्र जोड्न सकेको छ।
यस खेलमा सन्दीप लामिछानेको बलिङ र रवि बोपाराको ब्याटिङ हेर्नलायक हुनेछन्। रवि बोपाराले यस सिजनमा दुई खेलमा दुई अर्धशतक हिर्काएका छन्, जबकि सन्दीप लामिछाने सर्वाधिक विकेट टेकरको सूचीमा शीर्ष स्थानमा छन्। उनले दुई खेलमा सात विकेट हात पारेका छन्।
चितवन राइनोज भने तालिकाको पाँचौं स्थानमा छ। उनले आफ्नो पहिलो खेलमा कर्णालीविरुद्ध चार विकेटको जित निकाल्दा दोस्रो खेलमा लुम्बिनीसँग ६ विकेटले पराजित भएका थिए। दुवै टिम आज जितको दबाबमा मैदानमा हुनेछ। विराटनगरले शीर्ष स्थानमा उक्लिन चाहन्छ भने चितवन आफ्नो अंकतालिका सुधार गर्न चाहन्छ।
एनपीएलको लिग चरणमा तीन प्लेअफ र फाइनलसहित ३२ खेल हुँदैछन्। शनिबारका लागि साधारण टिकट मूल्य पाँच सय र प्रिमियम टिकट १५ सय तोकिएको छ। अन्य खेलका लागि सामान्य टिकटको मूल्य पाँच सय र प्रिमियमको एक हजार रुपियाँ तोकिएको छ।
प्रकाशित: बुधबार, मंसिर १०, २०८२
सम्बन्धित खवर
