काठमाडौँ । आईसिसी विश्व क्रिकेट लिग-२ अन्तर्गत यूएईमा जारी शृंखलाको अन्तिम खेलमा नेपालले यूएईलाई २४० रनको लक्ष्य प्रस्तुत गरेको छ।
टस हारेर पहिले ब्याटिङको निम्तो पाएको नेपालले ५० ओभरमा ९ विकेट गुमाएर २३९ रन बनाएको हो ।
नेपालका लागि भीम सार्कीले सर्वाधिक ४८ रन र कुशल मल्लले ४५ रन बनाए । दीपेन्द्रसिंह ऐरीले ३७, आसिफ शेखले ३४ तथा आरिफ शेखले ३० रन बनाए ।
यूएईका ध्रुव पराशरले १० ओभरमा २८ रन दिएर २ विकेट लिए । जुनेद सिद्दिकीले १० ओभरमा ३६ रन दिएर २ विकेट लिए । मुहम्मद जवादुल्लाहले पनि २ विकेट लिँदा जाहिद अलीले १ विकेट लिए ।
प्रकाशित: बुधबार, कार्तिक १९, २०८२
सम्बन्धित खवर
