काठमाडौँ । भारतको पश्चिमी राज्य राजस्थानमा मङ्गलबार एक निजी बसमा आगलागी हुँदा कम्तीमा २० जनाको ज्यान गएको सरकारी अधिकारीहरूले जानकारी दिनुभएको छ।
जैसलमेर जिल्लास्थित थायत गाउँ नजिकै राजमार्गमा यात्रा गरिरहेको बसमा अचानक आगो लागेको थियो। बसमा ५७ जना यात्रु सवार रहेका थिए। चालकले पछाडिबाट धुवाँ निस्किँदै गरेको देखेर बस रोके पनि केही समयमै बस पूरै आगोमा परिणत भयो र धेरै यात्रु बसभित्रै फसे।
घाइतेमध्ये केहीको अवस्था गम्भीर रहेको छ। आगलागीको कारण हालसम्म पुष्टि भएको छैन, तर प्रहरीले प्रारम्भिक अनुमान गरेको छ कि बस भित्रको विद्युतीय तार सर्ट हुन सक्छ।
प्रकाशित: बुधबार, आश्विन २९, २०८२
