काठमाडौँ । नेपाल स्टक एक्सचेञ्ज (नेप्से) परिसूचक आज ४४.२५ अङ्कले बढेर २,५४७.६० बिन्दुमा पुगेको छ, जसले एक दशमलव ७६ प्रतिशत वृद्धि देखाएको छ।
आज ३३० कम्पनीका कुल ९९ लाख ४ हजार ८७४ कित्ता शेयर ४८ हजार ८३६ पटक खरिदबिक्री हुँदा रु. ४ अर्ब ९७ करोड ५४ लाख ८ हजार ५४५ बराबरको कारोबार भएको नेप्सेले जनाएको छ।
आज सबै समूहका उपसूचकहरू हरियो देखिएका छन्। प्रमुख समूहहरूको वृद्धि यस प्रकार छ:
- बैङ्किङ: ०.२८%, विकास बैङ्क: १.४१%, वित्त: ०.०२%, होटल तथा पर्यटन: ३.३५%, जलविद्युत्: २.१०%, लगानी: २.२७%, जीवन बीमा: १.९२%
- उत्पादन तथा प्रशोधन: १.५६%, लघुवित्त: ०.६३%, म्युचुअल फन्ड: ०.३२%, निर्जीवन बीमा: १.४४%, व्यापार: २.८१%, अन्य समूह: ५.०१%
नेपाल माइक्रो इन्स्योरेन्स कम्पनी लिमिटेड, नेपाल रिइन्स्योरेन्स कम्पनी लिमिटेड र क्रेष्ट माइक्रो इन्स्योरेन्स लिमिटेडको शेयरमा सकारात्मक सर्किट लागेको छ। सबैभन्दा धेरै घटेको शेयर कर्पोरेट डेभलपमेन्ट बैङ्क लिमिटेडको भएको छ, जसले ५.२६% मूल्य गुमाएको छ।
कारोबार रकमका आधारमा सबैभन्दा बढी एनआरएन इन्फ्रास्ट्रक्चर एन्ड डेभलपमेन्ट लिमिटेडको रु. ३१ करोड ९१ लाख ४ हजार ७३२ बराबरको कारोबार भएको छ। कारोबार भएका शेयर सङ्ख्याको आधारमा भने लक्ष्मी सनराइज बैङ्क लिमिटेडको पाँच लाख २३ हजार २३३ कित्ता शेयर सबैभन्दा बढी किनबेच भएको छ।
प्रकाशित: सोमबार, आश्विन २७, २०८२
